ತಾಲೂಕು ಛಾಯಾಗ್ರಾಹಕರ ಸಂಘದ ಅಧ್ಯಕ್ಷರಾಗಿ ಎಚ್. ಶ್ರೀನಿವಾಸ್

ಎಚ್. ಶ್ರೀನಿವಾಸ್

   ಭದ್ರಾವತಿ, ಏ. ೧೫: ತಾಲೂಕು ಛಾಯಾಗ್ರಾಹಕರ ಸಂಘದ ನೂತನ ಅಧ್ಯಕ್ಷರಾಗಿ ವಿವಿಧ ಸಂಘಟನೆಗಳಲ್ಲಿ ಸಕ್ರಿಯವಾಗಿ ತೊಡಗಿಸಿಕೊಂಡಿರುವ ಯುವ ಮುಖಂಡ ಎಚ್. ಶ್ರೀನಿವಾಸ್ ಆಯ್ಕೆಯಾಗಿದ್ದಾರೆ.

   ಉಪಾಧ್ಯಕ್ಷರಾಗಿ ಆರ್. ಮಂಜುನಾಥ್, ಕಾರ್ಯದರ್ಶಿಯಾಗಿ ಶೈಲೇಶ್‌ಕುಮಾರ್ ಮತ್ತು ಖಜಾಂಚಿಯಾಗಿ ರೇಣುಕಯ್ಯ ಆಯ್ಕೆಯಾಗಿದ್ದಾರೆ. ಈ ಹಿಂದೆ ರಾಮಕೃಷ್ಣ ಅಧ್ಯಕ್ಷರಾಗಿ ಸೇವೆ ಸಲ್ಲಿಸಿದ್ದರು. ಕೆಲವು ದಿನಗಳ ಹಿಂದೆ ನಡೆದ ಚುನಾವಣೆಯಲ್ಲಿ ಎಚ್. ಶ್ರೀನಿವಾಸ್ ಅತಿ ಹೆಚ್ಚು ಮತಗಳನ್ನು ಪಡೆಯುವ ಮೂಲಕ ಅಧ್ಯಕ್ಷರಾಗಿ ಆಯ್ಕೆಯಾಗಿದ್ದಾರೆ. ನೂತನ ಅಧ್ಯಕ್ಷರನ್ನು ನಗರದ ವಿವಿಧ ಸಂಘ-ಸಂಸ್ಥೆಗಳ ಪ್ರಮುಖರು, ಗಣ್ಯರು ಅಭಿನಂದಿಸಿದ್ದಾರೆ.

ನಗರಸಭೆ ಮಾಜಿ ಅಧ್ಯಕ್ಷ ಬಿ.ಕೆ ಮೋಹನ್ ಪುತ್ರ ಬಿ.ಎಂ ಮಂಜುನಾಥ್ ಸೇರಿದಂತೆ ಹಲವು ಮಂದಿ ನಾಮಪತ್ರ ಸಲ್ಲಿಕೆ

    ಭದ್ರಾವತಿ, ಏ. ೧೫: ಶಾಸಕ ಬಿ.ಕೆ ಸಂಗಮೇಶ್ವರ್ ಸಹೋದರ ಬಿ.ಕೆ ಮೋಹನ್ ಪುತ್ರ ಬಿ.ಎಂ ಮಂಜುನಾಥ್ ಕಾಂಗ್ರೆಸ್ ಅಧಿಕೃತ ಅಭ್ಯರ್ಥಿಯಾಗಿ ೭ನೇ ವಾರ್ಡ್‌ಗೆ ಸ್ಪರ್ಧಿಸಿದ್ದು, ಗುರುವಾರ ತಮ್ಮ ಬೆಂಬಲಿಗರು, ಕುಟುಂಬ ವರ್ಗದವರೊಂದಿಗೆ ನಾಮಪತ್ರ ಸಲ್ಲಿಸಿದರು.

    ನಗರಸಭೆ ಮಾಜಿ ಅಧ್ಯಕ್ಷ  ಬಿ.ಕೆ ಮೋಹನ್ ಈ ಬಾರಿ ೨೨ನೇ ವಾರ್ಡ್ ಕಾಂಗ್ರೆಸ್ ಅಧಿಕೃತ ಅಭ್ಯರ್ಥಿಯಾಗಿ ಚುನಾವಣೆಗೆ ಸ್ಪರ್ಧಿಸಿದ್ದು, ಇವರ ಪುತ್ರ ಬಿ.ಎಂ ಮಂಜುನಾಥ್ ೭ನೇ ವಾರ್ಡ್ ಅಭ್ಯರ್ಥಿಯಾಗಿ ಕಣಕ್ಕಿಳಿದಿದ್ದಾರೆ.

     ನಾಮಪತ್ರ ಸಲ್ಲಿಕೆ ಸಂದರ್ಭದಲ್ಲಿ ಬಿ.ಕೆ ಮೋಹನ್, ಬಿ.ಕೆ ಜಗನ್ನಾಥ್, ಬಿ.ಕೆ ಶಿವಕುಮಾರ್ ಹಾಗು ಕುಟುಂಬ ವರ್ಗದವರು, ಕಾಂಗ್ರೆಸ್ ಪಕ್ಷದ ಮುಖಂಡರು, ಕಾರ್ಯಕರ್ತರು ಪಾಲ್ಗೊಂಡಿದ್ದರು.

     ಬಿಜೆಪಿ ಜಿಲ್ಲಾ ಪ್ರಧಾನ ಕಾರ್ಯದರ್ಶಿ ಜಿ. ಧರ್ಮಪ್ರಸಾದ್ ನಾಮಪತ್ರ ಸಲ್ಲಿಕೆ :

ಅಖಿಲ ಭಾರತ ವಿದ್ಯಾರ್ಥಿ ಪರಿಷತ್ ಮೂಲಕ ಸಂಘ ಪರಿವಾರದಲ್ಲಿ ಗುರುತಿಸಿಕೊಂಡು ರಾಜಕೀಯ ಪ್ರವೇಶಿಸಿರುವ ಬಿಜೆಪಿ ಜಿಲ್ಲಾ ಪ್ರಧಾನ ಕಾರ್ಯದರ್ಶಿ ಜಿ. ಧರ್ಮಪ್ರಸಾದ್ ಗುರುವಾರ ತಮ್ಮ ಬೆಂಬಲಿಗರೊಂದಿಗೆ ನಾಮಪತ್ರ ಸಲ್ಲಿಸಿದರು.

    ಮೂಲತಃ ಲೆಕ್ಕ ಪರಿಶೋಧಕರಾಗಿರುವ ಧರ್ಮಪ್ರಸಾದ್ ಹಲವು ಹೋರಾಟಗಳ ಮೂಲಕ ಗುರುತಿಸಿಕೊಂಡಿದ್ದು, ಇದೆ ಮೊದಲ ಬಾರಿಗೆ ನಗರಸಭೆ ೧೧ನೇ ವಾರ್ಡ್ ಬಿಜೆಪಿ ಅಧಿಕೃತ ಅಭ್ಯರ್ಥಿಯಾಗಿ ಸ್ಪರ್ಧಿಸಿದ್ದಾರೆ. ಪ್ರಸ್ತುತ ಬಿಜೆಪಿ ಮಂಡಲದ ಪ್ರಮುಖರಲ್ಲಿ ಒಬ್ಬರಾಗಿ ಗುರುತಿಸಿಕೊಂಡಿದ್ದಾರೆ.

      ಹಿಂದೂ ಸಂಘಟನೆಯ ಯುವ ಮುಖಂಡ ಸುನಿಲ್‌ಕುಮಾರ್ ನಾಮಪತ್ರ ಸಲ್ಲಿಕೆ:

   ಹಲವಾರು ವರ್ಷಗಳಿಂದ ಹಿಂದೂಪರ ಸಂಘಟನೆಯಲ್ಲಿ ಗುರುತಿಸಿಕೊಂಡಿರುವ ಬಜರಂಗದಳ ಜಿಲ್ಲಾ ಪ್ರಮುಖ್ ಸುನಿಲ್‌ಕುಮಾರ್ ಈ ಬಾರಿ ನಗರಸಭೆ ಚುನಾವಣೆಗೆ  ಬಿಜೆಪಿ ಪಕ್ಷದ ೧೮ನೇ ವಾರ್ಡಿನ ಅಧಿಕೃತ ಅಭ್ಯರ್ಥಿಯಾಗಿ ಸ್ಪರ್ಧಿಸಿದ್ದಾರೆ.

    ಹಲವಾರು ಹಿಂದೂಪರ ಹೋರಾಟಗಳಲ್ಲಿ ಸಕ್ರಿಯವಾಗಿ ಗುರುತಿಸಿಕೊಂಡಿರುವ ಸುನಿಲ್‌ಕುಮಾರ್ ನಗರದಲ್ಲಿ ಯುವ ಸಮುದಾಯ ಸೆಳೆಯುವಲ್ಲಿ ಯಶಸ್ವಿಯಾಗಿದ್ದಾರೆ. ಈ ಹಿನ್ನಲೆಯಲ್ಲಿ ಇವರ ಸ್ಪರ್ಧೆ ಗಮನ ಸೆಳೆಯುತ್ತಿದೆ. ೫-೬ ದಿನಗಳ ಹಿಂದೆ ಬಿಜೆಪಿ ಪಕ್ಷಕ್ಕೆ ಸೇರ್ಪಡೆಗೊಂಡಿದ್ದಾರೆ.

      ಅಪ್ಪಾಜಿ ಅಭಿಮಾನಿ ಕೃಷ್ಣರಾಜ್ ನಾಮಪತ್ರ ಸಲ್ಲಿಕೆ :

   ಮಾಜಿ ಶಾಸಕ ಎಂ.ಜೆ ಅಪ್ಪಾಜಿಯವರ ಅಭಿಮಾನಿಗಳಲ್ಲಿ ಒಬ್ಬರಾಗಿ ಹಲವಾರು ವರ್ಷಗಳಿಂದ ಜೆಡಿಎಸ್ ಪಕ್ಷದಲ್ಲಿ ಗುರುತಿಸಿಕೊಂಡಿದ್ದ ಯುವ ಮುಖಂಡ ಕೃಷ್ಣರಾಜ್ ಇತ್ತೀಚೆಗೆ ಜೆಡಿಎಸ್ ತೊರೆದು ಕಾಂಗ್ರೆಸ್ ಸೇರ್ಪಡೆಗೊಂಡಿದ್ದರು.

   ಇದೀಗ ವಾರ್ಡ್ ನಂ. ೩೩ರ ಅಧಿಕೃತ ಕಾಂಗ್ರೆಸ್ ಅಭ್ಯರ್ಥಿಯಾಗಿ ಗುರುವಾರ ನಾಮಪತ್ರ ಸಲ್ಲಿಸಿದ್ದು, ಹಲವಾರು ಸೇವಾ ಕಾರ್ಯಗಳ ಮೂಲಕ ಸ್ಥಳೀಯವಾಗಿ ಗುರುತಿಸಿಕೊಂಡಿದ್ದಾರೆ. ಈ ಹಿನ್ನಲೆಯಲ್ಲಿ ಇವರ ಸ್ಪರ್ಧೆ ಗಮನ ಸೆಳೆಯುತ್ತಿದೆ.

       ಸ್ನೇಹ ಜೀವಿ ಬಳಗದ ಸದಸ್ಯರ ಸ್ಪರ್ಧೆ:

    ಹಲವಾರು ವರ್ಷಗಳಿಂದ ಸಾಮಾಜಿಕ ಸೇವಾ ಕಾರ್ಯಗಳಲ್ಲಿ ತೊಡಗಿಸಿಕೊಂಡಿರುವ ಪೊಲೀಸ್ ಉಮೇಶ್ ನೇತೃತ್ವದ ಸ್ನೇಹ ಜೀವಿ ಬಳಗದ ಸದಸ್ಯರು ಮೊದಲ ಬಾರಿ ನಗರಸಭೆ ಚುನಾವಣೆಗೆ ಸ್ಪರ್ಧಿಸಿದ್ದಾರೆ.

    ಈಗಾಗಲೇ ಗ್ರಾಮ ಪಂಚಾಯಿತಿ ಚುನಾವಣೆಯಲ್ಲಿ ಬಳಗದ ಸದಸ್ಯರು ಸ್ಪರ್ಧಿಸಿ ಗೆಲುವು ಸಾಧಿಸಿದ್ದಾರೆ. ಇದೀಗ ವಾರ್ಡ್ ನಂ.೩ ಯೋಗೀಶ್, ವಾರ್ಡ್ ನಂ. ೪ ಸುಷ್ಮ, ವಾರ್ಡ್ ನಂ.೮ ವಿನಯ್, ವಾರ್ಡ್ ನಂ.೧೪ ಶೋಭಾ ರವಿಕುಮಾರ್, ವಾರ್ಡ್ ನಂ. ೧೫ ಕಾಂತ ದಿನೇಶ್, ವಾರ್ಡ್ ನಂ. ೧೯ ಹಾಲೇಶ್, ವಾರ್ಡ್ ನಂ. ೨೦ ವರಲಕ್ಷ್ಮೀ, ವಾರ್ಡ್ ನಂ.೨೩ ಶಾಲಿನಿ, ವಾರ್ಡ್ ನಂ. ೨೫ ಸುರೇಶ್, ವಾರ್ಡ್ ೨೬ ಜೀವ, ವಾರ್ಡ್ ನಂ.೨೭ ಮಹಾಲಕ್ಷ್ಮೀ, ವಾರ್ಡ್ ನಂ.೨೮ ಶ್ರೀಧರಮೂರ್ತಿ, ವಾರ್ಡ್ ನಂ.೨೯ ರಮಾವೆಂಕಟೇಶ್, ವಾರ್ಡ್ ನಂ.೩೧ ಜಯಮ್ಮ, ವಾರ್ಡ್ ನಂ.೩೨ ಲತಾ ಸತೀಶ್, ವಾರ್ಡ್ ನಂ.೩೩ ಶಶಿಕಲಾ, ವಾರ್ಡ್ ನಂ.೩೪ ಲತಾ ಮೋರೆ ಮತ್ತು ವಾರ್ಡ್ ನಂ.೩೫ ಸುಧಾ ಶಿವಪ್ಪ ಸೇರಿದಂತೆ ಒಟ್ಟು ೧೮ ಸದಸ್ಯರು ಚುನಾವಣೆಗೆ ಸ್ವತಂತ್ರ ಅಭ್ಯರ್ಥಿಗಳಾಗಿ ಸ್ಪರ್ಧಿಸಿದ್ದಾರೆ.

ನಗರಸಭೆ ಚುನಾವಣೆ : ನಾಮಪತ್ರ ಸಲ್ಲಿಕೆ ಭರಾಟೆ ಜೋರು

   ಭದ್ರಾವತಿ, ಏ. ೧೫: ನಗರಸಭೆ ೩೫ ವಾರ್ಡ್‌ಗಳ ಚುನಾವಣೆಗೆ ನಾಮಪತ್ರ ಸಲ್ಲಿಕೆಗೆ ಕೊನೆಯ ದಿನವಾದ ಗುರುವಾರ ಅಭ್ಯರ್ಥಿಗಳಿಂದ ನಾಮಪತ್ರ ಸಲ್ಲಿಕೆ ಭರಾಟೆ ಜೋರಾಗಿ ಕಂಡು ಬಂದಿತು.

     ಕಾಂಗ್ರೆಸ್, ಬಿಜೆಪಿ, ಜೆಡಿಎಸ್, ಎಎಪಿ, ಎಸ್‌ಡಿಪಿಐ, ಜೆಡಿಯು ಸೇರಿದಂತೆ ವಿವಿಧ ರಾಜಕೀಯ ಪಕ್ಷಗಳ ಅಧಿಕೃತ ಅಭ್ಯರ್ಥಿಗಳು ತಮ್ಮ ಬೆಂಬಲಿಗರೊಂದಿಗೆ ಆಗಮಿಸಿ ನಾಮಪತ್ರ ಸಲ್ಲಿಸಿದರು. ಮೊದಲೇ ನಾಮಪತ್ರ ಸಲ್ಲಿಸಿದ್ದ ಅಭ್ಯರ್ಥಿಗಳು ಪಕ್ಷದ 'ಬಿ' ಫಾರಂ ನೀಡಿದರು. ಉಳಿದಂತೆ ಪಕ್ಷೇತರ ಅಭ್ಯರ್ಥಿಗಳಾಗಿ ಬಹುತೇಕ ಮಂದಿ ನಾಮಪತ್ರ ಸಲ್ಲಿಸಿದರು. ಅಲ್ಲದೆ ಈ ಬಾರಿ ಸ್ನೇಹ ಜೀವಿ ಬಳಗದ ಸದಸ್ಯರು ಚುನಾವಣೆಗೆ ಸ್ಪರ್ಧಿಸಿದ್ದು, ಪಕ್ಷೇತರ ಅಭ್ಯರ್ಥಿಗಳಾಗಿ ನಾಮಪತ್ರ ಸಲ್ಲಿಸಿದ್ದಾರೆ.  

    ಕಾಂಗ್ರೆಸ್ ಮತ್ತು ಬಿಜೆಪಿ ಪಕ್ಷಗಳು ತಮ್ಮ ಅಧಿಕೃತ ಅಭ್ಯರ್ಥಿಗಳನ್ನು ಈಗಾಗಲೇ ಘೋಷಿಸಿಕೊಂಡಿವೆ. ಆದರೆ ಜೆಡಿಎಸ್ ಸೇರಿದಂತೆ ಉಳಿದ ಪಕ್ಷಗಳು ಕೊನೆಯವರೆಗೂ ತಮ್ಮ ಪಕ್ಷದ ಅಧಿಕೃತ ಅಭ್ಯರ್ಥಿಗಳನ್ನು ಘೋಷಿಸಿಕೊಳ್ಳದೆ ಗೌಪ್ಯತೆ ಕಾಪಾಡಿಕೊಂಡು ಬಂದಿವೆ. ಈ ನಡುವೆ ಕೊನೆ ಘಳಿಗೆಯಲ್ಲಿ ಜೆಡಿಎಸ್ ಅಭ್ಯರ್ಥಿಗಳ ಪಟ್ಟಿ ಬಹಿರಂಗಗೊಂಡಿದೆ. ಆದರೆ ಪಕ್ಷ ಇನ್ನೂ ಅಧಿಕೃತವಾಗಿ ಘೋಷಿಸಿಕೊಂಡಿಲ್ಲ.

        ೩೫ ವಾರ್ಡ್‌ಗಳ ಜೆಡಿಎಸ್ ಅಭ್ಯರ್ಥಿಗಳು :

    ಜೆಡಿಎಸ್ ೩೫ ವಾರ್ಡ್‌ಗಳಿಗೂ ಅಭ್ಯರ್ಥಿಗಳನ್ನು ಕಣಕ್ಕಿಳಿಸಿದೆ. ವಾರ್ಡ್ ನಂ.೧ಕ್ಕೆ ಟಿ. ರೇಖಾ, ವಾರ್ಡ್ ನಂ.೨ಕ್ಕೆ ಶಾಂತಿ, ವಾರ್ಡ್ ನಂ.೩ಕ್ಕೆ ಬಿ.ಆರ್ ಉಮೇಶ್, ವಾರ್ಡ್ ನಂ.೪ಕ್ಕೆ ಆರ್. ಉಷಾ, ವಾರ್ಡ್ ನಂ.೫ಕ್ಕೆ ತಬಸುಮ್ ಸುಲ್ತಾನ್, ವಾರ್ಡ್ ನಂ.೬ಕ್ಕೆ ಚನ್ನಪ್ಪ, ವಾರ್ಡ್ ನಂ.೭ಕ್ಕೆ ಎಂ. ರೇಣುಕಾ, ವಾರ್ಡ್ ನಂ.೮ಕ್ಕೆ ಸೈಯದ್ ಅಜಮಲ್, ವಾರ್ಡ್  ನಂ.೯ಕ್ಕೆ ಪಿ. ಸುಂದರ್ ಮೂರ್ತಿ, ವಾರ್ಡ್ ನಂ.೧೦ಕ್ಕೆ ಆರ್. ಜಯಂತಿ, ವಾರ್ಡ್ ನಂ.೧೧ಕ್ಕೆ ಎ. ಪಚ್ಚೈಯಪ್ಪನ್, ವಾರ್ಡ್ ನಂ.೧೨ಕ್ಕೆ ಎ. ಪಶುಪತಿ, ವಾರ್ಡ್ ನಂ.೧೩ಕ್ಕೆ ಕೆ. ಸುಜಾತ, ವಾರ್ಡ್ ನಂ.೧೪ಕ್ಕೆ ಎಚ್. ಮಂಜುನಾಥ, ವಾರ್ಡ್ ನಂ.೧೫ಕ್ಕೆ ಕೆ.ಎಂ. ಮಂಜುಳಾ, ವಾರ್ಡ್ ನಂ.೧೬ಕ್ಕೆ ವಿಶಾಲಾಕ್ಷಿ, ವಾರ್ಡ್ ನಂ.೧೭ಕ್ಕೆ ಎಂ. ಯೋಗೀಶ್ ಕುಮಾರ್, ವಾರ್ಡ್ ನಂ.೧೮ಕ್ಕೆ ಆರ್. ಕರುಣಾಮೂರ್ತಿ, ವಾರ್ಡ್ ನಂ.೧೯ಕ್ಕೆ ಬಸವರಾಜ್, ವಾರ್ಡ್ ನಂ.೨೦ಕ್ಕೆ ಜಯಶೀಲ, ವಾರ್ಡ್ ನಂ.೨೧ಕ್ಕೆ ವಿಜಯ, ವಾರ್ಡ್ ನಂ.೨೨ಕ್ಕೆ ಬೋರೇಗೌಡ, ವಾರ್ಡ್ ನಂ.೨೩ಕ್ಕೆ ಕೆ.ಪಿ ಪ್ರೇಮಾ, ವಾರ್ಡ್ ನಂ.೨೪ಕ್ಕೆ ಕೋಟೇಶ್ವರರಾವ್, ವಾರ್ಡ್ ನಂ.೨೫ಕ್ಕೆ ಆರ್. ಉದಯ್ ಕುಮಾರ್, ವಾರ್ಡ್ ನಂ.೨೬ಕ್ಕೆ ಪರಮೇಶ್ವರಿ, ವಾರ್ಡ್ ನಂ.೨೭ಕ್ಕೆ ರೂಪಾವತಿ, ವಾರ್ಡ್ ನಂ.೨೮ಕ್ಕೆ ಎಚ್. ಸಂತೋಷ್, ವಾರ್ಡ್ ನಂ.೨೯ಕ್ಕೆ ಆರ್.  ನಾಗರತ್ನ, ವಾರ್ಡ್ ನಂ. ೩೦ಕ್ಕೆ ಜೆ. ಸೋಮಶೇಖರ್, ವಾರ್ಡ್ ೩೨ಕ್ಕೆ ಎಸ್. ಪಲ್ಲವಿ, ವಾರ್ಡ್ ನಂ.೩೨ಕ್ಕೆ ಕೆ.ಆರ್ ಸವಿತಾ, ವಾರ್ಡ್ ನಂ.೩೩ಕ್ಕೆ ರವಿಕುಮಾರ, ವಾರ್ಡ್ ನಂ.೩೪ಕ್ಕೆ ಎಸ್. ಭಾಗ್ಯಮ್ಮ ಮತ್ತು ವಾರ್ಡ್ ನಂ.೩೫ಕ್ಕೆ ನಿಂಗಮ್ಮ ಅಧಿಕೃತ ಅಭ್ಯರ್ಥಿಗಳನ್ನು ಕಣಕ್ಕಿಳಿಸಲಾಗಿದೆ.

      ಎಎಪಿ ೭ ಅಭ್ಯರ್ಥಿಗಳು:

   ಮೊದಲ ಬಾರಿಗೆ ನಗರಸಭೆ ಚುನಾವಣೆಗೆ ಆಮ್ ಆದ್ಮಿ ಪಾರ್ಟಿ ೭ ಅಭ್ಯರ್ಥಿಗಳು ಸ್ಪರ್ಧಿಸಿದ್ದಾರೆ. ವಾರ್ಡ್ ನಂ.೪ರಲ್ಲಿ ಗೀತಾ ಬಸವಕುಮಾರ್, ವಾರ್ಡ್ ನಂ.೫ರಲ್ಲಿ ರೇಷ್ಮ ಬಾನು, ವಾರ್ಡ್ ನಂ.೮ರಲ್ಲಿ ಅಬ್ದುಲ್ ಖದೀರ್, ವಾರ್ಡ್ ನಂ. ೧೮ರಲ್ಲಿ ಕಾಂಗ್ರೆಸ್ ಮುಖಂಡ, ಮಾಜಿ ಉಪಮೇಯರ್ ಮಹಮದ್ ಸನ್ನಾವುಲ್ಲಾ ಪುತ್ರ ಮಹಮದ್ ಪರ್ವೀಜ್, ವಾರ್ಡ್ ನಂ. ೨೦ರಲ್ಲಿ ಮೈತ್ರಿ ರಮೇಶ್, ವಾರ್ಡ್ ನಂ.೨೪ರಲ್ಲಿ ಎ. ಮಸ್ತಾನ್ ಮತ್ತು ವಾರ್ಡ್ ನಂ.೨೬ರಲ್ಲಿ ಶಿಲ್ಪ ಅಧಿಕೃತ ಅಭ್ಯರ್ಥಿಗಳಾಗಿ ನಾಮಪತ್ರ ಸಲ್ಲಿಸಿದ್ದಾರೆ.

    ಕಳೆದ ಸುಮಾರು ೧ ವಾರದಿಂದ ನಗರದಲ್ಲಿಯೇ ಬೀಡುಬಿಟ್ಟಿರುವ ಪಕ್ಷದ ಜಂಟಿ ಕಾರ್ಯದರ್ಶಿ ದರ್ಶನ್ ಜೈನ್ ಹಾಗು ಸ್ಥಳೀಯರಾದ ಜಿಲ್ಲಾಧ್ಯಕ್ಷ ಎಚ್. ರವಿಕುಮಾರ್, ಪ್ರಮುಖರಾದ ಪರಮೇಶ್ವರಚಾರ್, ಎನ್.ಪಿ ಜೋಸೆಫ್, ಇಬ್ರಾಹಿಂ ಖಾನ್, ರಮೇಶ್, ಬಸವಕುಮಾರ್, ಪರಮೇಶ್ ನಾಯ್ಕ  ಸೇರಿದಂತೆ ಇನ್ನಿತರರು ಅಭ್ಯರ್ಥಿಗಳನ್ನು ಕಣಕ್ಕಿಳಿಸುವಲ್ಲಿ ಪ್ರಮುಖ ಪಾತ್ರ ವಹಿಸಿದ್ದಾರೆ.  

       

    

      ಎಸ್‌ಡಿಪಿಐ ಅಭ್ಯರ್ಥಿಗಳು:

   ಮೊದಲ ಬಾರಿಗೆ ನಗರಸಭೆ ಚುನಾವಣೆಗೆ ಸೋಷಿಯಲ್ ಡೆಮಾಕ್ರೆಟಿಕ್ ಪಾರ್ಟಿ ಆಫ್ ಇಂಡಿಯಾ ಪಕ್ಷದ ೩ ಅಭ್ಯರ್ಥಿಗಳು ಸ್ಪರ್ಧಿಸಿದ್ದಾರೆ. ವಾರ್ಡ್ ನಂ.೫ರಲ್ಲಿ ನಸೀಮಾ ಖಾನಂ, ವಾರ್ಡ್ ನಂ. ೭ರಲ್ಲಿ ದೇವೇಂದ್ರ ಪಾಟೀಲ್ ಮತ್ತು ವಾರ್ಡ್ ನಂ.೮ರಲ್ಲಿ ಅರ್ಷದ್ ಖುರೇಶಿ ಪಕ್ಷದ ಅಧಿಕೃತ ಅಭ್ಯರ್ಥಿಗಳಾಗಿ ನಾಮಪತ್ರ ಸಲ್ಲಿಸಿದ್ದಾರೆ.

ನಗರಸಭೆ ವ್ಯಾಪ್ತಿಯಲ್ಲಿ ಎಸ್‌ಡಿಪಿಐ ಕಾರ್ಯಕರ್ತರು ಸಕ್ರಿಯವಾಗಿದ್ದು, ಹಲವಾರು ಸಾಮಾಜಿಕ ಕಾರ್ಯಗಳಲ್ಲಿ ತೊಡಗಿಸಿ ಕೊಂಡಿದ್ದಾರೆ. ಇದೀಗ ನಗರಸಭೆ ಚುನಾವಣೆಗೆ ಸ್ಪರ್ಧಿಸಿದ್ದು, ನಾಮಪತ್ರ ಸಲ್ಲಿಕೆ ನಂತರ ಕಾರ್ಯಕರ್ತರು ಹಳೇನಗರ ಭಾಗದ ವಿವಿಧೆಡೆ ರೋಡ್ ಶೋ ನಡೆಸುವ ಮೂಲಕ ಗಮನ ಸೆಳೆದರು.