ಅ.೨೪ರವರೆಗೆ ನವರಾತ್ರಿ ಮಹೋತ್ಸವ

ಶ್ರೀ ಮಾರಿಯಮ್ಮ

    ಭದ್ರಾವತಿ: ನ್ಯೂಟೌನ್ ಶ್ರೀ ಮಾರಿಯಮ್ಮನವರ ದೇವಸ್ಥಾನದಲ್ಲಿ ಅ.೨೪ರವರೆಗೆ ನವರಾತ್ರಿ ಮಹೋತ್ಸವ ಹಮ್ಮಿಕೊಳ್ಳಲಾಗಿದ್ದು, ಪ್ರತಿದಿನ ಅಮ್ಮನವರಿಗೆ ವಿವಿಧ ಅಲಂಕಾರಗಳು ನಡೆಯಲಿವೆ.

    ಪ್ರತಿದಿನ ಬೆಳಿಗ್ಗೆ ಅಮ್ಮನವರಿಗೆ ಪಂಚಾಮೃತ ಅಭಿಷೇಕ, ಸಹಸ್ರನಾಮಾರ್ಚನೆ, ದೇವಿ ಪಾರಾಯಣ, ಮಧ್ಯಾಹ್ನ ೧೨ ಗಂಟೆಗೆ ಮಹಾಮಂಗಳಾರತಿ ಮತ್ತು ಸಂಜೆ ೭ ಗಂಟೆಗೆ ಭಜನೆ ಮತ್ತು ಸಂಗೀತ, ೮.೩೦ಕ್ಕೆ ಮಹಾಮಂಗಳಾರತಿ ಮತ್ತು ತೀರ್ಥಪ್ರಸಾದ ವಿನಿಯೋಗ ನಡೆಯಲಿದೆ.

    ಅಮ್ಮನವರಿಗೆ ಅ.೧೫ರಂದು ವಿಶಾಲಾಕ್ಷಿ, ೧೬ರಂದು ಮೀನಾಕ್ಷಿ, ೧೭ರಂದು ಕಾಮಾಕ್ಷಿ, ೧೮ರಂದು ಮೂಕಾಂಬಿಕ, ೧೯ರಂದು ಅನ್ನಪೂರ್ಣೇಶ್ವರಿ, ೨೦ರಂದು ಸರಸ್ವತಿ, ೨೧ರಂದು ಲಕ್ಷ್ಮೀ, ೨೨ರಂದು ದುರ್ಗಾ ಮತ್ತು ೨೩ರಂದು ರಾಜರಾಜೇಶ್ವರಿ ಅಲಂಕಾರ ಕೈಗೊಳ್ಳಲಾಗುವುದು. ೨೭ರಂದು ಶಾಂತಿಪೂಜೆ ನಡೆಯಲಿದ್ದು, ಭಕ್ತಾಧಿಗಳು ಹೆಚ್ಚಿನ ಸಂಖ್ಯೆಯಲ್ಲಿ ಪಾಲ್ಗೊಂಡು ಕಾರ್ಯಕ್ರಮ ಯಶಸ್ವಿಗೊಳಿಸುವಂತೆ ಕೋರಲಾಗಿದೆ.