ಬಾಲಕನ ಶವ ಪತ್ತೆ

ಶಿವಮೊಗ್ಗ, ಅ. ೧೧: ಚಾನಲ್ ದಂಡೆಯಲ್ಲಿ ಆಡುತ್ತಿದ್ದ ಬಾಲಕ ಶವವಾಗಿ ಪತ್ತೆಯಾಗಿರುವ ಘಟನೆ ಭಾನುವಾರ ಬೆಳಲಕಟ್ಟೆಯಲ್ಲಿ ನಡೆದಿದೆ.

       ಅ.೧೦ ರಂದು ಮಧ್ಯಾಹ್ನ ೨ ಗಂಟೆಯ ವೇಳೆಗೆ  ಹುಡಗರೊಂದಿಗೆ ಬೆಳಲಕಟ್ಟೆಯ ನಿವಾಸಿ ಕುಮಾರನಾಯ್ಕ್‌ರವರ ಮಗ ದಿಲೀಪ ನಾಯ್ಕ ಎಂಬ ೧೩ ವರ್ಷದ  ಬಾಲಕ  ದಿಡೀರನೇ ನಾಪತ್ತೆಯಾಗಿದ್ದನು.

        ಈ ಕುರಿತು ಅವರ ತಂದೆ ಕುಮಾರ ನಾಯ್ಕ್ ಶಿವಮೊಗ್ಗ ಗ್ರಾಮಾಂತರ ಪೊಲೀಸ್ ಠಾಣೆಯಲ್ಲಿ ಮಗನ ನಾಪತ್ತೆ ಕುರಿತು ದೂರು ದಾಖಲಿಸಿದ್ದರು. ಅದೇ ಚಾನಲ್ ಬಳಿ ಶವವಾಗಿ ಪತ್ತೆಯಾಗಿದ್ದಾನೆ. ಬಾಲಕನ ಮುಖ, ಕಣ್ಣು ಹಾಗು ಕಿವಿಗಳನ್ನು ಜಲಚರಗಳು ತಿಂದಿರುವ ಕಲೆ ಕಂಡುಬಂದಿದೆ.