ತಾಲೂಕಿನಲ್ಲಿ ಕೋವಿಶೀಲ್ಡ್ ೨ನೇ ಡೋಸ್ ನೀಡಲು ಸಿದ್ದತೆ

    ಭದ್ರಾವತಿ, ಜು. ೧೬: ಕೋವಿಶೀಲ್ಡ್ ಮೊದಲ ಡೋಸ್ ಪಡೆದು ೧೨ ವಾರ ಪೂರೈಸಿರುವವರಿಗೆ ಜು.೧೭ರಂದು ೨ನೇ ಡೋಸ್ ನೀಡಲು ಆರೋಗ್ಯ ಇಲಾಖೆ ಸಿದ್ದತೆ ನಡೆಸಿದೆ ಎಂದು ತಾಲೂಕು ಆರೋಗ್ಯಾಧಿಕಾರಿ ಡಾ.ಎಂ.ವಿ ಅಶೋಕ್ ತಿಳಿಸಿದ್ದಾರೆ.

     ನಗರದ ಕೆಎಸ್‌ಆರ್‌ಟಿಸಿ ಘಟಕದಲ್ಲಿ ೫೦ ಡೋಸ್, ರಾಜೀವ್‌ಗಾಂಧಿ ಬಿ.ಎಡ್ ಕಾಲೇಜಿನಲ್ಲಿ ೫೦ ಡೋಸ್, ನ್ಯೂಟೌನ್ ವಿಐಎಸ್‌ಎಲ್ ಕ್ರೀಡಾಂಣದಲ್ಲಿ ೧೦೦ ಡೋಸ್, ಅಶ್ವಥ್‌ನಗರ, ಉಜ್ಜನಿಪುರ, ನೆಹರು ನಗರ ಮತ್ತು ಜನ್ನಾಪುರ ನಗರ ಆರೋಗ್ಯ ಕೇಂದ್ರ ದಲ್ಲಿ ೬೦ ಡೋಸ್ ಹಾಗು ಆಗರದಹಳ್ಳಿ ಪ್ರಾಥಮಿಕ ಆರೋಗ್ಯ ಕೇಂದ್ರದಲ್ಲಿ ೫೦ ಡೋಸ್, ಅರಬಿಳಚಿ, ತಳ್ಳಿಕಟ್ಟೆ, ಯಡೇಹಳ್ಳಿ ಮತ್ತು ಭದ್ರಾಕಾಲೋನಿ ಪ್ರಾಥಮಿಕ ಆರೋಗ್ಯ ಕೇಂದ್ರದಲ್ಲಿ ೬೦ ಡೋಸ್,  ಅಂತರಗಂಗೆ, ಬಿಆರ್‌ಪಿ, ಮೈದೊಳಲು ಮತ್ತು ಹೊಳೆಹೊನ್ನೂರು ಪ್ರಾಥಮಿಕ ಆರೋಗ್ಯ ಕೇಂದ್ರದಲ್ಲಿ ೭೦ ಡೋಸ್,  ಮಾರಶೆಟ್ಟಿಹಳ್ಳಿ ಮತ್ತು ದೊಣಬಘಟ್ಟ ಪ್ರಾಥಮಿಕ ಆರೋಗ್ಯ ಕೇಂದ್ರದಲ್ಲಿ ೫೦ ಡೋಸ್ ಹಾಗು ಸನ್ಯಾಸಿ ಕೋಡಮಗ್ಗಿ ಪ್ರಾಥಮಿಕ ಆರೋಗ್ಯ ಕೇಂದ್ರದಲ್ಲಿ ೪೦ ಡೋಸ್ ಲಸಿಕೆ ವಿತರಣೆ ಮಾಡಲಾಗಿದೆ.

    ಲಸಿಕೆಯನ್ನು ಬೆಳಿಗ್ಗೆ ೧೦.೩೦ ರಿಂದ ೧.೩೦ರ ವರೆಗೆ ನೀಡಲಾಗುವುದು. ಲಸಿಕೆ ಪಡೆಯುವವರು ಕಡ್ಡಾಯವಾಗಿ ನೋಂದಾಯಿತ ಮೊಬೈಲ್ ಸಂಖ್ಯೆ ಹಾಗು ಆಧಾರ್ ಕಾರ್ಡ್ ತರುವಂತೆ ಡಾ.ಎಂ.ವಿ ಅಶೋಕ್ ಸೂಚಿಸಿದ್ದಾರೆ.