ಶ್ರೀ ಲಕ್ಷ್ಮೀನರಸಿಂಹಸ್ವಾಮಿ ದೇವಾಲಯದಲ್ಲಿ ವಿಷ್ಣುಕಾರ್ತಿಕ ದೀಪೋತ್ಸವ

ಭದ್ರಾವತಿ ಹಳೇನಗರದ ಶ್ರೀಲಕ್ಷ್ಮೀನರಸಿಂಹಸ್ವಾಮಿ ದೇವಾಲಯದಲ್ಲಿ ಗುರುವಾರರಾತ್ರಿ ವಿಷ್ಣುಕಾರ್ತೀಕ ದೀಪೋತ್ಸವ ವಿಜೃಂಭಣೆಯಿಂದ ನೆರವೇರಿತು.

    ಭದ್ರಾವತಿ, ಡಿ. ೯: ಹಳೇನಗರದ ಪುರಾಣ ಪ್ರಸಿದ್ದ ಶ್ರೀಲಕ್ಷ್ಮೀನರಸಿಂಹಸ್ವಾಮಿ ದೇವಾಲಯದಲ್ಲಿ ಗುರುವಾರ ರಾತ್ರಿ ವಿಷ್ಣುಕಾರ್ತೀಕ ದೀಪೋತ್ಸವ ವಿಜೃಂಭಣೆಯಿಂದ ನೆರವೇರಿತು.

  ಸಂಜೆ ಗರುಡವಾಹನರೂಢ ಭೂದೇವಿ ಶ್ರೀದೇವಿ ಸಹಿತನಾದ ಶ್ರೀಶ್ರೀನಿವಾಸದೇವರ ಉತ್ಸವಮೂರ್ತಿ ಮೆರವಣಿಗೆ ರಥಬೀದಿಯಲ್ಲಿ ನಡೆಸಲಾಯಿತು. ದೇವಾಲಯಕ್ಕೆ ಉತ್ಸವ ಮರಳುತ್ತಿದ್ದಂತೆ ದೇವಾಲಯದ ಹೊರ ಆವರಣದಲ್ಲಿ ಭಕ್ತರು ದೀಪಗಳನ್ನು ಹಚ್ಚಿ ಬೆಳಗಿಸಿದರು.  ದೇವಾಲಯದ ಸುತ್ತಮುತ್ತ ಇರಿಸಲಾಗಿದ್ದ ದೀಪಗಳನ್ನು ಭಕ್ತಾದಿಗಳು ಹಚ್ಚಿದರು.

    ದೇವಾಲಯದ ಗರುಡಗಂಭದ ಬಳಿ ಉತ್ವಮೂರ್ತಿ ಮುಂದೆ ಎಣ್ಣೆಯಲ್ಲಿ ಅದ್ದಿದ ವಸ್ತ್ರಕ್ಕೆ ದೀಪವನ್ನು ಹಚ್ಚುವ ಮೂಲಕ ದೇವರಿಗೆ ದೃಷ್ಠಿಪರಿಹಾರಾರ್ಥವಾಗಿ ಚೊಕ್ಕಸುಡಲಾಯಿತು. ನಂತರ ಮೂಲದೇವರಿಗೆ ಹಾಗೂ ಉತ್ಸವದೇವರಿಗೆ ಪೂಜೆನಡೆಸಿ ದೀಪಬೆಳಗಿ, ಮಹಾಮಂಗಳಾರತಿ, ಅಷ್ಠಾವಧಾನ ಸೇವೆ, ವೇದಪಠಣ, ಭಜನೆ ಸೇರಿದಂತೆ ಇನ್ನಿತರ ಆಚರಣೆಗಳನ್ನು ನಡೆಸಲಾಯಿತು.  ಸಲ್ಲಿಸಲಾಯಿತು. ದೇವಾಲಯದ ಪ್ರಧಾನ ಅರ್ಚಕ ರಂಗನಾಥಶರ್ಮ ಪೂಜಾವಿಧಾನಗಳನ್ನು ನೆರವೇರಿಸಿದರು.