ಮೀನುಗಳ ಮಾರಾಣ ಹೋಮ : ದೂರು ದಾಖಲು

ಭದ್ರಾವತಿ ತಾಲೂಕಿನ ಶೆಟ್ಟಿಹಳ್ಳಿ ವ್ಯಾಪ್ತಿಯ ಹಾತಿಕಟ್ಟೆ ಗ್ರಾಮದ ಹೊಸಕೆರೆಯಲ್ಲಿ ಮೀನುಗಳ ಮಾರಾಣ ಹೋಮ 

   ಭದ್ರಾವತಿ, ಜ. ೧೫: ತಾಲೂಕಿನ ಶೆಟ್ಟಿಹಳ್ಳಿ ವ್ಯಾಪ್ತಿಯ ಹಾತಿಕಟ್ಟೆ ಗ್ರಾಮದ ಹೊಸಕೆರೆಯಲ್ಲಿ ಮೀನುಗಳ ಮಾರಾಣ ಹೋಮ ನಡೆದಿದ್ದು, ಈ ಸಂಬಂಧ ಹೊಳೆಹೊನ್ನೂರು ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.

  ಹಾತಿಕಟ್ಟೆ ಗ್ರಾಮದ ಸರ್ವೆ ನಂ.೫ರ ಹೊಸಕೆರೆಯಲ್ಲಿ ಶಿಲ್ಪ ಕೋಂ ಕೃಷ್ಣಮೂರ್ತಿ ಎಂಬುವರು ತಡಸ ಗ್ರಾಮ ಪಂಚಾಯಿತಿ ಮೂಲಕ ಮೀನು ಕೃಷಿ ನಡೆಸಲು ಹರಾಜಿನ ಮೂಲಕ ೫ ವರ್ಷ ಗುತ್ತಿಗೆ ಪಡೆತ್ತಿದ್ದು,  ಲಕ್ಷಾಂತರ ರು. ಖರ್ಚು ಮಾಡಿ ಸುಮಾರು ೪ ರಿಂದ ೫ ಟನ್‌ಗಳಷ್ಟು ಮೀನು ಕೃಷಿ ನಡೆಸಿದ್ದಾರೆ. ಜ.೧೪ರ ಸಂಜೆ ಕಿಡಿಗೇಡಿಗಳು ಕೆರೆಗೆ ವಿಷ ಬೆರಸಿರುವುದರಿಂದ ಮೀನುಗಳು ಸಾವನ್ನಪ್ಪಿವೆ ಎನ್ನಲಾಗಿದೆ.  ಶಿಲ್ಪರವರ ತಮ್ಮ ಮೋಹನ್ ಹೊಳೆಹೊನ್ನೂರು ಪೊಲೀಸ್ ಠಾಣೆಯಲ್ಲಿ ೪ ಮಂದಿ ವಿರುದ್ಧ ದೂರು ದಾಖಲಿಸಿದ್ದಾರೆ.