ವೈ. ಲೋಹಿತ್‌ಗೆ ಡಾಕ್ಟರೇಟ್ ಪದವಿ

ವೈ. ಲೋಹಿತ್

   ಭದ್ರಾವತಿ, ಮಾ. ೭: ನ್ಯೂಟೌನ್ ಶ್ರೀ ಆದಿಚುಂಚನಗಿರಿ ವಿದ್ಯಾಸಂಸ್ಥೆಯ ದೈಹಿಕ ಶಿಕ್ಷಣ ವಿಭಾಗದ ನಿರ್ದೇಶಕ ವೈ. ಲೋಹಿತ್ ಕುವೆಂಪು ವಿಶ್ವವಿದ್ಯಾಲನಿಲಯದ ಡಾಕ್ಟರೇಟ್ ಪದವಿ ಪಡೆದುಕೊಂಡಿದ್ದಾರೆ.

   ಕುವೆಂಪು ವಿಶ್ವವಿದ್ಯಾನಿಲಯದ ದೈಹಿಕ ಶಿಕ್ಷಣ ವಿಭಾಗದ ನಿರ್ದೇಶಕ ಡಾ. ಎಸ್.ಎಂ ಪ್ರಕಾಶ್ ಮಾರ್ಗದರ್ಶನಲ್ಲಿ ದೈಹಿಕ ಶಿಕ್ಷಣಕ್ಕೆ ಸಂಬಂಧಿಸಿದಂತೆ 'ಎಫಿಕೆಸಿ ಆಫ್ ಫ್ಲೈಮೆಟ್ರಿಕ್ ಟ್ರೈನಿಂಗ್ ಆನ್ ಆಕ್ವ, ಲ್ಯಾಂಡ್ ಅಂಡ್ ಸ್ಯಾಂಡ್ ಸರ್ಫೇಸಸ್' (Efficacy of Plyometric Training on Aqua, Land and Sand Surfaces)  ಪ್ರಬಂಧ ಮಂಡಿಸಿ ಡಾಕ್ಟರೇಟ್ ಪದವಿ ಪಡೆದುಕೊಂಡಿದ್ದಾರೆ.

   ಲೋಹಿತ್ ನಗರದ ಗಣೇಶ್ ಕಾಲೋನಿ ನಿವಾಸಿ, ವಿಐಎಸ್‌ಎಲ್ ನಿವೃತ್ತ ಕಾರ್ಮಿಕ, ಕಬಡ್ಡಿ ಕ್ರೀಡಾಪಟು ಯಲ್ಲೋಜಿ-ಅಂಬುಜಾ ಬಾಯಿ ದಂಪತಿ ಪುತ್ರರಾಗಿದ್ದಾರೆ. ಲೋಹಿತ್ ಸಹ ಅತ್ಯುತ್ತಮ ವಾಲಿಬಾಲ್ ಕ್ರೀಡಾಪುಟ ಆಗಿದ್ದು, ಕುವೆಂಪು ವಿ.ವಿ ಕ್ರೀಡಾಕೂಟ ಹಾಗು ರಾಜ್ಯಮಟ್ಟದ ಪಂದ್ಯಾವಳಿಗಳನ್ನು ಪ್ರತಿನಿಧಿಸಿದ್ದಾರೆ.