ಅರಣ್ಯ ಇಲಾಖೆ ರಾಜ್ಯಮಟ್ಟದ ಕ್ರೀಡಾಕೂಟ : ಭದ್ರಾವತಿ ವಿಭಾಗದ ಕ್ರೀಡಾಪಟುಗಳಿಗೆ ಪದಕ

ಗುಲ್ಬರ್ಗದಲ್ಲಿ ನಡೆದ ಅರಣ್ಯ ಇಲಾಖೆಯ ೨೬ನೇ ರಾಜ್ಯಮಟ್ಟದ ಕ್ರೀಡಾಕೂಟದಲ್ಲಿ ಭದ್ರಾವತಿ ಅರಣ್ಯ ವಿಭಾಗದ ಕ್ರೀಡಾಪಟುಗಳು ಭಾಗವಹಿಸಿ ವಿವಿಧ ಸ್ಪರ್ಧೆಗಳಲ್ಲಿ ಪದಕಗಳನ್ನು ತಮ್ಮದಾಗಿಸಿಕೊಂಡಿದ್ದಾರೆ.

    ಭದ್ರಾವತಿ: ಗುಲ್ಬರ್ಗದಲ್ಲಿ ನಡೆದ ಅರಣ್ಯ ಇಲಾಖೆಯ ೨೬ನೇ ರಾಜ್ಯಮಟ್ಟದ ಕ್ರೀಡಾಕೂಟದಲ್ಲಿ ಭದ್ರಾವತಿ ಅರಣ್ಯ ವಿಭಾಗದ ಕ್ರೀಡಾಪಟುಗಳು ಭಾಗವಹಿಸಿ ವಿವಿಧ ಸ್ಪರ್ಧೆಗಳಲ್ಲಿ ಪದಕಗಳನ್ನು ತಮ್ಮದಾಗಿಸಿಕೊಂಡಿದ್ದಾರೆ.

    ಪವರ್ ಲಿಪ್ಟಿಂಗ್ ಸ್ಪರ್ಧೆಯಲ್ಲಿ ಎಸ್. ಭಾಸ್ಕರ್,  ಮಾಲತೇಶ್ ಸೂರ್ಯವಂಶಿ, ಕೆ.ವಿ ಪ್ರತಾಪ್ ಮತ್ತು ಆರ್. ರಂಗಸ್ವಾಮಿ ಪ್ರಥಮ ಸ್ಥಾನ ಗಳಿಸಿದ್ದಾರೆ. ಈಜು ಸ್ಪರ್ಧೆಯಲ್ಲಿ ಮಡಿವಾಳಪ್ಪ ಪ್ರಥಮ, ಜಗದೀಶ್ ದ್ವಿತೀಯ ಮತ್ತು ಸಿ. ನಾಗೇಂದ್ರ ತೃತೀಯ ಸ್ಥಾನ ಹಾಗು ಓಟದ ಸ್ಪರ್ಧೆಯಲ್ಲಿ ಸರೋಜಮ್ಮ ಪ್ರಥಮ ಸ್ಥಾನ ಹಾಗು ಟೇಬಲ್ ಟೆನಿಸ್ ಸ್ಪರ್ಧೆಯಲ್ಲಿ ಸದಾಶಿವ ದ್ವಿತೀಯ ಸ್ಥಾನದೊಂದಿಗೆ ಒಟ್ಟು ೬ ಚಿನ್ನ, ೨ ಬೆಳ್ಳಿ ಹಾಗು ೧ ಕಂಚಿನ ಪದಕ ಪಡೆದುಕೊಂಡಿದ್ದಾರೆ.  

    ಈ ಕ್ರೀಡಾಪಟುಗಳನ್ನು ಉಪ ಅರಣ್ಯ ಸಂರಕ್ಷಣಾಧಿಕಾರಿ ಆಶೀಶ್ ರೆಡ್ಡಿ ಹಾಗು ವಲಯ ಅರಣ್ಯಾಧಿಕಾರಿ ದಿನೇಶ್ ಕುಮಾರ್ ಅಭಿನಂದಿಸಿ ಪ್ರಶಂಸಿಸಿದ್ದಾರೆ.